甘怡十六個月

呢個月甘怡變得乖咗, 唔知係咪因為節日氣氛呢? :D
一叫佢佢會揮手Hi同拜

1. 食飯都算乖, 雖然有時都會扭計, 但通常都係食咗好多先開始扭計
2. 叫佢錫就錫, 爸爸抱就抱, 唔再好似幾個月前咁痴實媽咪
3. 對其他人都友善咗, 多咗笑容, WARMUP時間短咗

 不過講嘢方面就無乜進步啦, 都係唔肯講, 佢真係明哂我哋講乜架, 但叫佢講D 好簡單嘅字佢都唔講, 一味手指指. 暫時都無辦法.
 






甘怡收到三大聖誕禮物
1. 姨婆送的LEGO!
2. 爺爺嫲嫲送的小厨房 (因發現時間問題, 小厨房遲D 都會換返做另一盒LEGO, 原因後述)
3. 媽媽送的大厨房,


甘怡都好鍾意, 成日都玩, 媽媽 鍾意同佢玩厨房, 甘怡識得扮食, 識得放D 「食物」係D 碟上再拎畀爸媽「食」,跟住自己又「食」埋一份, 不過佢唔識洗碗。爸爸就鍾意同佢玩LEGO, 甘怡識砌, 不過有時兩塊LEGO個角度唔啱又會失手, 佢好鍾意向上發展, 砌到咁上下高佢又會放朵LEGO花係頂, 都幾靚架! :)

甘怡得咗!

甘怡IN咗幾間幼兒園, 由第三志願IN到第一志願, (啓思, 迦南, 靈糧堂)都收, 都幾開心, 覺得佢都幾醒目 (生女讚女乖! haha), 最衰因為取錄時間問題, 我哋三間都要交留位費, 有少少蝕咗咁囉!

靈糧堂其實係GROUP INTERVIEW, D 老師只係問咗家長個小朋友日常生活, 邊個湊之煩, 其餘都係一班人做不同的活動, 唱歌, 抛波波, 觀察D 小朋友,都唔係好知佢哋點揀人, 不過阿女都幾好, 識得抛返個波波畀老師, 個波淥遠咗又識得MOU低去搵, 老婆話見到個副校長即刻係本薄度寫咗D 嘢, 覺得係因為咁所以收咗佢喎....唔知啦, 最緊要老婆開心啦, 因為佢自己當年都係讀靈糧堂, 所以當靈糧堂係第一志願, 宜家啱哂佢心水啦!

魔術

甘怡變魔術, 首先用左手拿起隻杯, 然後話唔見左(用右手同口形話無), 再左望右望, 再向下望, 然後又望住你話無(手依然拿著), 不知杯在那裡.... 此刻, 爸爸搶了甘怡的水杯, 放在桌上, 甘怡依然周圍望話無. 爸爸忍不住了, 同甘怡說杯杯在這裡, 甘怡用很驚訝的眼神望住隻杯, 再望下爸爸..."是你取了, 你真的不對". 爸爸無耐的說.."是爸爸取了不對, 真對不起"

15 個月大

女大得真快, 越來越多計, 也令爸爸變了醋王. 今日, 呀女的新野便是由外爬入嬰兒床, 雖然未成功, 但已經令我感到有點意外. 手指還學抓鼻洞, 激死人! 有時, 女又要媽媽陪玩兒童遊樂設施, 用手命令媽媽, 又用笑去蓋上不聽話的時候. 只是每日睡覺都花了爸媽不少的時間, 又要陪睡, 廳有燈, 又跑出去. 現在, 唯有一家早睡早起, 可能對爸媽都好. 女兒, 媽媽的世界已經圍著你走, 你已是媽媽的中心了, 你做的每一件事, 媽媽都而你為榮, 只因你是甘怡. 將來, 媽媽也會繼續培育你, 希望你為自己人生有所成就, 也為自己為榮. 媽媽永遠愛你.

BB Class Interview

最緊要的3間Nursery已經in了, 心情也放鬆了一點, 因為現在都有2間收, 等年尾便知靈糧結果. 開頭, 好驚呀女沒有書讀, 又怕佢沒有學校收, 現在有了, 感覺較實在. 無論甘怡讀那一間, 都有少少天意. 如果開正呀女的題目, 勝數便高, 狀態唔好, 又好難講. 唔知有世襲又有沒有好處...一切由天呢..甘怡, 媽媽知你已經努力了, 靈糧最後結果如何, 便要看看緣份了.

每本最少講5次

呀女呀女好鐘意睇書, 但一定要媽媽講, 爸爸講唔得. 開始時, 媽媽以為自己講故事好動聽, 現在覺得有點疲累. 甘怡喜歡的書不多, 每日重覆又重覆, 未到那一頁都知做什麼手勢. 例如: 每天早上看3本, 每本最少講5次. 媽媽已經懂得背書, 而甘怡也懂得用手指指, 做動作, 只是不願意自己看.

又大一歲啦

又大一歲? 那個人是甘怡的爸爸...上星期六生日我生日, 早一晚我回到家收到"甘怡寫"的祝賀說話:"Daddy 生日快樂", 心裡很甜, 想像將來甘怡親手寫或者畫生日咭給我...

自己又大一歲, 總會有些檢討, 尤其過去幾個月來, 甘怡開始識行路, 又開始聽得明媽媽和爸爸的說話, 滿足感很大, 但有時自己又好像真的當甘怡已經大個女, 我經常想和她講道理, 因為Nicole常說「甘怡識聽...」但其實畢竟她只是十五個月不到的嬰兒, 有時我會嬲甘怡唔聽話, 好想"教訓"她, 有時我又覺得自己的要求太高, 會隨她做喜歡的事, 實例就是, 我想和甘怡一齊睇書, 首先她總是優先選媽媽去讀, 就算有時她願意坐在我大脾上一起睇書, 讀了幾頁她又會走開, 或者我讀得不夠動聽吧, 但連一本書也讀不完又令我覺得甘怡對我的耐性太少, 迫她繼續佢又喊, 讓她走開我又感覺不好, 我也想和她多相處呀! 結果就是她走開而我對她的心機更少.

我對D 唔講道理的小朋友真是無符.