Nicole第一次睇醫生

Nicole今天自己去咗政府嘅健康院檢查, D 醫護人員好好人, 亦係全女班, 但因為其佢無做開D 婦科檢查, 佢亦無諗過人哋會點做, 第一次面對咁大件嘅檢查工具, 佢好緊張, 要醫生不斷叫佢放鬆D, 離開時佢簡直好似發咗場惡夢咁。

好彩, 晚上我打畀一個大緊肚嘅朋友Cherry, 佢好詳細咁講咗嚟緊會有咩檢查, 又鼓勵Nicole, 叫佢要開心D 咁諗個BB, 佢聽完叫做好D, 有多D 心理準備, 心情輕鬆返。

嚟緊嘅問題係到應去公立定私家, 經濟上我當然想公立, 但Nicole又好想開刀生, 唔想咁辛苦, 我覺得一年咁多人係公立生都順順利利, 無乜問題丫, 但身邊多數親友都係話私家好D, 貴得值喎, 唉...似乎...個結論都呼之欲出啦...