物資, 朋友的BB

呢幾日老婆大人周圍睇BB衫,女仔D 衫真係可愛D 又多款, 差不多同成人睇齊,花多眼又亂。好彩,佢都好知慳識儉,唔會亂買,但就會有少少心大心細咁,唔知點揀好。另外,有親人(主要係九姨)同朋友都有送D BB衫畀我哋,BB女頭一年嘅衣物都有哂啦,如果有朋友想送就送D 再大個D 嘅衫啦。除咗衫, 重有好多錢要洗,下一個目標應該會買BB用品,好似浴盤,床"肉",口水"堅"咁,外父都好好人,封咗封利是畀我哋幫補吓! :)

五月上旬,我D朋友們總共有三個BB女出世,其中兩位朋友係第一次做人爸爸及媽媽,都見到佢哋BB嘅相,好warm&sweet,以前睇完就算,宜家覺得佢哋D 相就好似一個Preview咁,會幻想如果現在Nicole已經生咗,我哋個場面會係點呢,我又會唔會手忙腳亂呢?

我又係度諗, 個個都生女, 我個女第時會唔會要同人爭仔架? 唔會攪到咁cheap呀嘛? 開始為個女將來擔心... 但如果個女可以好似呢個女仔咁生性就好囉。