很好的健康院講座

昨日去了健康院聽母乳講座, 真是值得一讚, 參加者人數少, 只有6人, 大家都可以不停發問, 每個人都可以用公仔實習, 最鐘意仲有真人示範, 當然是母乳餵食呢, 証明政府都有好的東西, 一點商業味都沒有. 只可惜, 只有3堂, 我已經全部報名.

而我也發現今個懷孕過程, 最花時間的便是準備功夫, 買物資又要格價錢(大部份物資), 又要入BB會取禮物試用(十多個), 上網找資料並取其他母親意見(非常有用, 常常上網), 睇書參考(最少10本), 睇醫生(私家及公立), 聽講座(已經去了十多個), 濕濕碎碎, 更重要是指導老公如何幫手及支持, 而迎接一個小生命, 真是用很多心機及時間, 加上我很喜歡做事要under control, 要有計劃, 盡量減低不必要的驚喜, 所以特別覺得多野做. 今次的失業悠長假期, 感覺也很充實, 我更獎勵自己, 買了焗爐送給自己去學做麵包, 得閒便出去學煮東西, 與友人下午茶, 不太想浪費時間, 但見經濟市道又不好, 短期內都很難出來找到理想工作, 可能BB出了世我又不會有這種想法, 我會超級忙.