話咁快就一年

話咁快就一年, 我講緊嘅係呢個blog開咗一年, 即係一年前剛知道我哋會級做父母。

「時間過得真係快」呢句嘢老土但我真係忍唔住都會講, 呢一年嘅心情的上上落落真係多, 有D 時刻好開心, 又有D 時刻好感動, 亦有D 時刻好嬲, 不過, 我依然相信生BB係一件好事嚟嘅, 咁先係真正長大, 真正"成家立室", 人生先算係咩都做過啦。

不過, 嚟緊仲有好多年, 有時諗起都會有D 擔心將來, 始終女兒的人生做父母的責任好大, 自己暫時都未有信心可以教好個女, 又驚佢惡死唔聽教, 更驚佢跟埋D 壞同學變壞, 「養兒一百歲, 長憂九十九」真係至理名言。