三個一起病, Yeah

記得上次老公咳到顛左是長達2個月時間, 但我同個女竟然是沒有事. 今次, 真的不得了, 一家三口齊齊病. 我相信是因為甘怡快出牙, 晚上睡得不好, 成日醒, 再加上老公的鼻寒, 試過1晚5次起床, 雖然我感覺好似好精神, 但卻又沒有真正睡過, 不停起床, 便感冒了. 甘怡咁痴我, 我笑佢就笑, 我病佢當然又有份. 而老公向來比我弱, 佢又要有份, 唯有一家3口, 齊齊病, 齊齊感冒. 最不著數便是放緊復活節假, 邊度也不用去, 悶到暈左, 日日食藥, 乖乖在家陪甘怡. 今早, 甘怡又睡不了, 到最後4:00我都醒哂, 唯有起床煮粥, 開電腦, 睇下個女, 睇下個老公, 兩隻死豬咁, 真幸福. 所以, 做人最緊要睡得好, 身體都好一些.