大喊十

最近睇完「公主嫁到」, 其中一句對白係「青筋伴鼻樑, 無事喊三場。」我覺得完全可以用嚟形容甘怡嘅樣子同表現...佢個鼻樑真係有青筋, 而佢又真係無事喊三場!!

佢真係好鍾意喊, 無論大小事情佢都喊一餐: 媽媽入厨房-大喊, 媽媽去沖涼-大喊, 我返屋企開門嗰刻-大喊, 呢D 事情已經發生咗成年啦, 佢都仲係好似第一次遇到咁, 好似好驚咁大喊特喊, 雖則D 人話佢唔識講嘢唯有用喊嚟表達, 但好似有D 過份咗囉, 就算媽媽近在咫尺, 只不過媽媽唔抱佢, 或者佢唔能夠攬住媽媽對腳, 佢就會大喊, 好似媽媽唔要佢咁, 就算我抱佢都會扭落地要去搵媽媽。

唔係我無耐性呀, 其他人都同意甘怡真係好"痴"身架, 連媽媽有時都話「阿女, 你唔好係又喊唔係又喊啦, 就嚟頂你唔順啦。」

呢排開始訓練佢,
1. 要揮手BYEBYE同HELLO: 我每天出門同歸家都要佢BYE同HI, 佢成日都扮聽唔到睇唔到我, 要媽媽抱住佢行到我面前佢先好不情願咁揮一揮手;
2. 爸媽食飯佢唔可以扭計同喊: 呢樣要好似訓練動物咁, 佢唔喊就獎餅餅佢食, 昨晚先開始試, 都WORK WORK哋;
3. 執玩具: 每晚要執好其中一類 (書, 字咭, 玩具) 。

其中3. 都有少少成果, 叫佢執佢都唔喊肯執, 雖然執執吓會拎返D 玩具出嚟, 但提返佢佢都幾合作, 希望其餘兩項遲D 都有成果啦。