學習中的父母

甘怡曵咗幾日之後又乖返D, 雖則媽媽仍需要打甘怡手板仔.

不論睇書定從別人口中, 都知道小朋友兩歲係好曳,雖有心理準備但未親身經歷都唔知自己會點應對。之前我以為我EQ高過Nicole, 我會好有耐性對甘怡, 但實戰起來, 我郤好容易嬲同想打甘怡, 反而對個女曳的時間更長的老婆, 可以好輕鬆冷靜。

我哋兩個宜家好似有不同的學習方向, 我要學習多d 耐性, 要了解多d 甘怡個性格, 從而希望有不同的方法去鼓勵到佢去學或玩不同的東西。例如今天去玩泥沙, 禾干草, 甘怡起初都好抗拒, 我逼佢玩泥沙效果麻麻, 同佢玩禾干草, 我主動自己訓係上面, 反而「能博紅顏一笑」。

Nicole呢, 就學習到要放手同唔好隨傳隨到, 要教甘怡「等待」, 她也是迫不得已因為甘怡實在太痴身, 甘怡唔學識等媽媽先做完手頭上的事情媽媽是不能做任何事情, 因為甘怡的要求是不斷變, 一時想A, 一時又想B, 邊得閒SERVE佢? 另外就學習要惡小小對個女, 我同佢(我相信呢排D 家長)都聽到D 「港孩」問題, 所以都唔可以畀甘怡做公主, 否則後患無窮呢。