食飯

甘怡呢排的作息無定時, 老婆已經牙痛咁聲,今日我都有幸領教一下, 話說同甘怡游完水之後, 都已經四點幾五點, 佢先肯訓一陣, 到七點迫佢起身食飯, 佢極不願意--當然佢只識得用喊嚟表達, 扭計扭到我同老婆都無哂符, 我哋唔理佢, 只迫佢坐係飯枱同我哋一齊, 後來又迫又氹佢都唔肯食, 結果老婆打定輸數, 開始食埋甘怡D 食物, 過咗一陣, 佢突然對佢一直抗拒的食物表現返興趣, 仲自己叉嚟食, 跟住就變返一個鍾意食嘢的女兒, 雖然食得好論盡, 但為免一出聲佢又唔高興, 我同老婆都默默睇住佢食, 最後佢一TAKE過食哂D 食物... YEAH!