甘怡就嚟兩歲,漸漸由嬰兒變成幼兒，即係話佢越來越懂事，越來越識聽大人講嘢，但亦越來越鍾意故意唔聽話同扭計，開始Ｔｒｏｕｂｌｅ ２的階段。
呢兩個星期去完兩個幼兒活動，見到好多其他家庭的小朋友，佢哋各有特點 ，有Ｄ真係比甘怡頑皮好多，成日大叫同搶嘢玩，呢兩樣我同老婆都好怕，好彩甘怡無呢個問題。甘怡亦肯同陌生的人一齊玩（當然要有玩具吸引佢啦）。
我見多Ｄ其他幼兒又令我覺得甘怡其實都算係「正常」，可能早排太多講「港童」的報導，因為唔想甘怡變港童，我諗我對甘怡的要求係走咗去另一個極端，就係太急於要佢自己次次都做到佢應該做的事情，每當老婆話甘怡做到一件事（e.g.自己食飯)，我就即刻當咗呢樣嘢係必然，下次一做唔到我就好煩躁，加上甘怡成日都唔啋我，攪到我都好心灰意冷，老婆又只係顧住個女，覺得自己係一個隱形人。老婆話佢都想甘怡可以親近爸爸多些，叫我唔好打甘怡，唔好發脾氣時鬧個女「無用」，叫我反思吓如果別人話我「無用」會有咩感受。老婆話可以用多Ｄ軟功／智取，唔需要硬碰硬。
我都認同佢的講法，我呢排見到甘怡「唔聽話」就發脾氣，要迫甘怡聽自己話，但其實都迫唔到，甘怡其實都有聽話／叻的時候，但當然唔係１００％時間係咁，個女其實都係「學習緊」規矩／起居生活，有時做唔到其實真係好正常。
今天去圖書館即刻再借返Ｄ教育／心理書，從新調節我的思想同情緒，我相信我一發力，甘怡係可以親我多過親佢媽媽的！！
2 則留言:
我對正常和平常深有體會,生物是集體而平均地進化的.孩子看起來較叻不要沾沾自喜,隔壁的孩子看起來較醒,也不可妬忌.你教孩子,孩子也教你,這叫做互動.從中找出成功感,這叫做樂趣.
教育孩子是父母共同的責任,父母同心,其利斷金.
如上一意見所指出的,父母要有平常心對自己孩子的表現.
發佈留言