媽媽病了點算好?

甘怡媽媽病了,一早上床訓覺,到甘怡差不多時候訓覺,甘怡慣性要攬住媽媽訓, 吵醒了媽媽.
爸爸叫甘怡出廳,說:"你知道媽媽病了嗎?"
怡:"知道"
爸:"你想唔想媽媽好返?"
怡:"想"

爸:"媽媽病了最想做乜呀?"
怡:"訓覺"
爸:"咁媽媽訓唔到個病唔會好返喎" 怡:"...."
爸:"咁點樣媽媽先訓到覺呀?"怡:"安靜"
爸:"咁你頭先一入房就嘈醒媽媽,媽媽點訓呢?"
怡:"..."
爸:"咁你入房之後安靜好唔好?"
怡:"好"


再入房一次佢即刻想走去攬媽媽...爸爸再阻止佢...佢扁哂咀但無出聲...爸爸再拖甘怡出廳.

爸:"你又話會安靜嘅?"
怡:"..."
爸:"我知你想攬媽媽,但今晚自己一個訓得唔得?"
怡:"好"

佢再入房,我手指指叫佢訓覺,甘怡:"我唔想訓"
爸:"你唔訓你可唔可以唔出聲?"
怡:"可以"

爸爸去咗沖涼, 以為甘怡會訓著, 點知沖完涼發覺甘怡未訓, 不過真係好安靜, 係黑暗的睡房內坐咗係自己床度.
一小時後再CHECK佢,佢都係上咗媽媽床,但在媽媽半尺之外訓著咗..