發咗癲

甘怡今日發咗癲, 去完街返到屋企, 竟然唔肯除鞋, 媽媽堅持要佢自己除, 唔理佢, 佢喊咗卅分鐘都唔停. 媽媽用咗不同方法叫佢自己除, 佢都唔肯, 喊得好大聲.

後來我出手除佢對鞋,拎咗佢對襪去洗,  佢反抗, 喊得再勁D, 之後仲要拎對新襪嚟著, 又著返鞋,繼續要阿媽幫佢除鞋.

如是者前後45分鐘, 媽媽抱佢入房, 安撫佢情緒, 之後話要罰佢坐無影"鄧", 佢又喊, 又要阿媽抱, 媽媽拖住佢手但要佢自己坐低罰, 佢先慢慢靜落嚟, 肯聽媽媽教訓.