"靜"

今日同阿女去XMAS PARTY, 當佢食緊蛋糕時, 我係旁邊試探佢...
我: 咦, 個蛋糕好唔好味?
女: 好味
我: 丫, 唔知爸爸有無得食呢?
女: (無出聲,繼續食...)
我: 爸爸都好想食喎, 唔知點先有得食呢? (我估佢叫我自己拎一件)
女: (無出聲,繼續食...)
我: (忍唔住直接問) 唔知阿女會唔會請爸爸食呢?
女: (吞咗啖蛋糕後) 你靜咗先有得食....
我: (合埋個口)
女: (手上有大啖蛋糕) 下一啖先啦
我: (等)
女: (分一小啖) 畀你啦...