小科學家與小鬼

甘怡都算有好奇心同識問問題,例如佢會問點解D 火會向上燒? 龍捲風點嚟? 鹽冰係浮定沉架? 佢對太空也有興趣, 今天咁啱神舟十號上天, 佢仲可以睇電視直播.

佢D 想象力都幾好, 每天都和我們玩不同的扮演遊戲...扮太空人, 扮廚師, 扮坐輪船, 扮行天橋, 不過暫時都未有一樣係佢自發諗的, 好似多數都係我們先講過, 然後佢就跟住扮.

不過, 佢最叻都係扮喊, 有時小小事佢唔開心, 就好似開著一個"喊MODE"咁, 勁入戲, 跟住就話好驚爸爸, 扮出一個好驚的表情去引阿媽注意.我哋發覺咗之後, 宜家都叫佢"唔好扮啦"!

禮貎小天使

甘怡學校有一樣活動, 就是要小朋友在校門口戴上彩帶做"禮貎小天使", 每人要做兩次...

第一次, 甘怡都有D 期待, 一早就起身, 好乖咁換衫出門, 但去到學校就反而有點怕醜, 細聲到好似只係得個咀動了一下, 有時仲只會掛住玩手上的小玩意.
第二次, 甘怡無咁期待啦, 懶懶的起床, 不過可能有了經驗, 今次反而比較勇敢一點, 叫得大聲咗, 揮手多咗, 見到識的同學仲好大聲叫添!

其實甘怡都比之前大膽, 不過還是欠點主動, 不過肯叫人都算合格....

Aiya

甘怡見到媽媽睇網上廣告, 佢問媽媽係咩嚟, 媽媽話係D 職業扮演, 扮消防員之類, 甘怡話想玩, 媽媽就話: 係台灣都玩過啦. 好貴, 唔再玩啦. 甘怡問: 咁要幾錢架? 媽媽: 要$300, 媽媽無錢 (估到甘怡會話:爸爸有) 就算有都用嚟做第二樣啦 甘怡: (被識穿, 無出聲, 跟住行開, 然後自言自語:) 媽媽都會幫我報堂架啦...(我哋估佢意思係呢個"職業扮演")

Playright

我哋成日玩PLAYRIGHT的活動, 今天老婆又發掘到一處新地方, 我最LIKE呢個:
如果我係小朋友就好啦.

發夢上太空

甘怡食食下飯同我講
怡: 爸爸, 我昨晚發夢呀
我: 係? 發咗咩夢呀?
怡: 我上咗太空呀
我: 咁你係太空見到D 咩呀?
怡: 見到好多星星囉
我: 咁見唔見到太陽呀?
怡: 見唔到.
我: 咁係咪你自己一個上太空呀?
怡: (想了想) 同媽咪囉
我: 係? 咁爸爸呢?
怡: 太空船得兩個位咋喎.
我: 咁點解唔係我同你上太空呀?
怡: (笑) 咁我下次發夢同你上太空啦...

大個女

成個一月二月都無寫BLOG,其實好多嘢都值得寫,但女兒成長到有時都忘了她還是只是一個三歲的小女孩.因為和她傾偈的感覺, 語氣, 字眼都越來越似和一個大人傾偈, 直到她會無原無故地扭起計來, 我才會醒覺女兒的實際年紀.

和甘怡的相處漸漸取得一個模式, 我終於明白有些東西是勉強不來, 也不需要自己做到太太的一切,我曾經覺得我和女兒的關係係可以和太太一樣,現在發覺(明白)父親的角色真的和媽媽不同,有些事情事倍功半的我就不值得發脾氣去迫女兒去做我想她做的事,反正沒有什麽事是"非做不可".

漸漸地甘怡找到父親的"用途", 就是和她玩, 父親和她的玩法和母親唔同, 有些要用多些體能(例如倒立), 有些比較剌激(玩機動遊戲), 最開心是她現在也會像媽媽一樣, 有時會主動(或回應地)錫我的臉.. :) 証明自己不是一個只懂惡, 不懂錫的爸爸... 

"靜"

今日同阿女去XMAS PARTY, 當佢食緊蛋糕時, 我係旁邊試探佢...
我: 咦, 個蛋糕好唔好味?
女: 好味
我: 丫, 唔知爸爸有無得食呢?
女: (無出聲,繼續食...)
我: 爸爸都好想食喎, 唔知點先有得食呢? (我估佢叫我自己拎一件)
女: (無出聲,繼續食...)
我: (忍唔住直接問) 唔知阿女會唔會請爸爸食呢?
女: (吞咗啖蛋糕後) 你靜咗先有得食....
我: (合埋個口)
女: (手上有大啖蛋糕) 下一啖先啦
我: (等)
女: (分一小啖) 畀你啦...