最愛叫爸爸

當然是甘怡最愛叫爸爸! 當我問, 玩具是誰玩的? 甘怡說爸, 那麼邊個去收拾? 甘怡說爸... 於食飯時, 甘怡棄匙落地, 我問邊個咁曵? 甘怡又說爸. 甘怡終於明白爸爸是什麼了.

Goodnight Kiss

甘怡每晚都仲要食奶嘴睡覺, 而每晚都自動自覺取去奶嘴kiss媽媽的嘴, 小則 kiss 一下, 多則就 kiss 三四下, 爸爸很羨慕, 媽媽卻很開心. 而近日, 甘怡上playgroup 都很不聽話, 非常痴身, 甘怡要快一點長大呀, 你今年便要返學了.

學習中的父母

甘怡曵咗幾日之後又乖返D, 雖則媽媽仍需要打甘怡手板仔.

不論睇書定從別人口中, 都知道小朋友兩歲係好曳,雖有心理準備但未親身經歷都唔知自己會點應對。之前我以為我EQ高過Nicole, 我會好有耐性對甘怡, 但實戰起來, 我郤好容易嬲同想打甘怡, 反而對個女曳的時間更長的老婆, 可以好輕鬆冷靜。

我哋兩個宜家好似有不同的學習方向, 我要學習多d 耐性, 要了解多d 甘怡個性格, 從而希望有不同的方法去鼓勵到佢去學或玩不同的東西。例如今天去玩泥沙, 禾干草, 甘怡起初都好抗拒, 我逼佢玩泥沙效果麻麻, 同佢玩禾干草, 我主動自己訓係上面, 反而「能博紅顏一笑」。

Nicole呢, 就學習到要放手同唔好隨傳隨到, 要教甘怡「等待」, 她也是迫不得已因為甘怡實在太痴身, 甘怡唔學識等媽媽先做完手頭上的事情媽媽是不能做任何事情, 因為甘怡的要求是不斷變, 一時想A, 一時又想B, 邊得閒SERVE佢? 另外就學習要惡小小對個女, 我同佢(我相信呢排D 家長)都聽到D 「港孩」問題, 所以都唔可以畀甘怡做公主, 否則後患無窮呢。

好曵

真係越大越曵, 一語氣重便哭, 穿鞋跑去大門, 用手拍門要出去, 好彩還未懂開門, 否則都幾煩, 人地話這是一個漫長的階段, 而爸爸及媽媽都覺很煩了. 現在是一級階段, 將來會二級三級.. 媽媽會很爐氣, 又長氣, 爸爸會很惡又很燥. 社會又出現一些超緊張的父母, 又有一些超不緊張的父母, 真是什麼人也有, 言語間又不停比較, 同他們溝通都唔知點回應, 太官腔又好似太沒有誠意了. 唔知甘怡將來會讀那類學校, 與那類人做朋友, 希望她的人生比我更廣, 活著豐盛生命的每一天.

甘怡的社交能力

今日甘怡見了兩批人，第一批是我的朋友，另一批就是我的姑姐四叔。

甘怡見到叔叔姨姨們並沒有像已往的先喊後躱，雖然未至到笑臉迎人，但總算能對人叫佢有反應，有互動，會畀嘢人又會接受別人畀佢o既嘢，笑容也多了！

晚上也一樣，過住需要ＷＡＲＭＵＰ好耐先會開始啋人，宜家好好多啦，上星期佢已經識指出邊個係爺爺嫲嫲，（我相信佢一早識不過問佢佢唔會畀反應），今天還和他們及姑姐們玩扮餵mummum, 氹得長輩們好開心呢！


P.S. 多謝Jammie姨姨d 幼兒班衫同書包.

甘怡@錦田鄉村俱樂部

大年初三約了CT同JW, 一行三家人去咗錦田鄉村俱樂部玩.

一入到去就見到有兩隻山羊係度行來行去, 甘怡都無驚, 不過當然好好奇咁望到實啦, 後來D 羊行到好近甘怡先走媽咪身後面. 入面仲有TURTLE同免仔, 我哋買咗D 菜畀甘怡去餵免仔, 甘怡一D 都唔驚, 仲好開心, 想伸隻手入個籠入面.

甘怡好鍾意車車, 嗰度有電動車我哋當然會畀佢玩, 佢都幾開心, 不過要花少少時間教佢踏個腳制, 之後佢就好ENJOY, 笑足全程...


另一樣甘怡鍾意的就係泡泡, 姨姨借咗支畀佢玩, 佢玩咗成半個鐘玩哂人哋D SOAP水先捨得放手, 一途有人想交換佢都唔肯! :)

之後又玩咗摘士多啤梨, 甘怡第一次"落田", 佢行得好小心, 因為地下不平, 條路又窄, 佢又拎住個籃, 不過佢都好肯行同執我剪落嚟的士多啤梨, 三家人摘咗磅半, BB 們都好鍾意食, FF仲成粒放入口添!

另外仲有捉金魚, 甘怡當然未識捉, 不過都畀佢試吓, 佢都知點玩, 媽媽陪佢玩 甘怡當然未識捉, 不過都畀佢試吓, 佢都知點玩, 媽媽陪佢玩得都好開心.



玩咗咁多嘢三個BB一上車/的士就訓著咗啦!

過咗好開心的一日!!!

甘怡十七個月大啦

係過去呢個月, 甘怡同我的距離又好似遠咗, 好多時我叫佢都會借咗聾耳陳隻耳, 怎至拍佢膊頭佢都唔會望我; 叫佢hug hug 爸爸又唔肯, 唔肯不特止, 仲會喊哂叫媽媽救命, Nicole都寫咗佢無啦啦差少少食完飯都會想離家出走搵媽媽, 好傷心...

我認有時我係會惡D, 但都係想甘怡學識規矩, 總無理由佢扭計就聽哂佢話架, 但佢就會當我透明, 我覺得好似鬼眼中的布斯韋利士(佢以為自己存在, 但其實其他人睇佢唔到). 上兩星期我開到口叫佢都會錫吓我 呢個星期佢即彈開同喊同搵阿媽.


睇到第二D BB的進度, 我以為今個月甘怡會講多D 嘢, 但可惜, 每次叫佢試吓講嘢, 佢都會擰面, 捽眼唔敢正視我同Nicole, 叫佢講YES或者點頭 佢都會表現到好難為佢咁, 我深信佢一定係聰明的,但似乎無乜動力去學講嘢, 係放假的日子我都會叫Nicole 盡量要甘怡開口講要咩, 唔好問佢"係咪想咁咁咁", 要佢自己想講"咁咁咁", 可惜, 甘怡唔肯講, 轉眼就會喊同扭計.

今年去拜年前Nicole教咗佢做"請請"的手勢, 可惜, 到年初一甘怡心情唔係幾好, 幾乎無做過, 亦幾乎無同D 長輩有任何交流, 人哋撩佢講嘢佢又係擰開或喊, 唉, 我講笑話佢可能又社交恐懼症. 坦白講, 見到身邊的BB都好似好SOCIAL咁我就越來越擔心啦, 我有時寧願佢同其他BB 爭下玩佢都好過成日都搵阿媽出手, 初四去咗朋友屋企拜年, 甘怡同另外兩個姐姐爭汽球, 佢只係識企係度喊, 都唔去爭, 我就覺得唔係幾好囉.