期待已久嘅八月終於都到啦, 心情越來越好, 同老婆關係也越來越親蜜 (至少我覺得啦), 可能因為佢大咗肚, 好多事情都好自然咁忍讓, 讓下讓下都變咗無乜所謂, 也覺得其實兩公婆真係無乜事值得鬧交囉, 老婆也都好顧家, 打理得屋企好好, 我係最驚佢悶唧, 不過佢又好識搵節目。
BB房又有D 進展, 我們已經鋪好BB換片的"架步", 我哋無買D 專用的墊, 只係搵D 軟嘢加塊膠枱布, 但我覺得我哋用錢用得其所, 唔洗下下買D 好貴,現成的東西, 兩個人諗(主要都係老婆) D 平嘅方法/物品做到想做嘅事情都係一個好好嘅體驗。
原本買咗BB車, 但個車輪有D 偏右, 拎返鋪頭整, 話要成十日至兩星期先拎得返, 真耐, 不過BB照計唔會咁早走出嚟啩?
星期日又去多次圖書館, 但仲未諗到個名, 或者諗幾個名等BB 出世後佢自己選擇! :D
雜不LUNG咁寫咗呢幾日嘅事...其實呢幾個月就係好多"雜不LUNG"嘅嘢要攪, 仲煩過結婚, 我就只係出力, 計劃同格價都係靠Nicole, 畀個"叻"字佢先!!
沒有留言:
發佈留言