轉眼間, Nicole大肚已經九個月, 下星期呢一剎那我們將會「升呢」成為父母, 我一直覺得做父母真係唔易, 因為你要對另一個人的一生負責, 雖然不是指照顧她一生一世, 但她一生開心唔開心真係好睇做父母嘅點教導同示範。自己知自己事, 自己咁多缺點都唔想個女好嘅唔學壞嘅學, 咁多年嚟都係人忍自己(昨天母親大人提醒我的), 好快就要靠自己嘅自制能力去身教她, 但好多嘢都係知易行難囉, 都好驚害教壞佢呢。
雖然只剩下一星期的等待, 但其實有D 嘢都唔知, 唔知當天我有咩要做, 唔知個B 有無問題, 唔知自己能唔能夠接受呢個現實... 好多好多, 雖然老婆身體上的痛楚不由我控制, 但希望我唔會令佢有心靈上的不愉快啦!
老婆, 加油, 好快你就可以瘦返架啦! :D
沒有留言:
發佈留言