阿女好返啦

過去個星期五六日, BB食量好返D, 我同Nicole都安心返D 啦, 雖然BB個食量、時間都未穩定, 有時亦要補奶粉, 但係起碼D P/V數量KEEP到係5-8次, 代表佢有入有出。我哋都好有信心佢係越來越健康。

今朝帶BB去覆診, 初初姑娘話BB仲輕咗, 但醫生一睇, 無理由食得咁好個BB會輕咗一成呀? 嚇得我哋 (包括醫生)丫, 如果係真就真係要再送BB去醫院檢查啦, 呢次Nicole好冷靜話:「好」。醫生再同BB磅多次, 發覺BB其實係重咗, 重過出世嗰時0.4 kg, 總算理想, 可能係姑娘攪錯咗, 醫生仲打算去鬧個姑娘添! 另外黃疸指數都下降中, 應該會KEEP住跌, 星期四再覆診。

我哋好開心, 尤其係Nicole, 証明佢過去幾天的努力、心機同精神係有回報嘅!