住家男

自從甘怡出世之後, 我變咗一個住家男, 除了日日放工即該返屋企之外, 重要成日做家務, 煮飯, 洗衫, 幫甘怡清潔, 換片片, 簡真超攰, 我自問己經好自動自覺架啦, 但老婆往往就捉住我欠做的事情, 例如: 無煲薑皮水, 無"接"衫, 無幫佢開門, 嚟指責我「唔識照顧佢, 做漏嘢, 掛住打機唔理兩母女, 我以後自己做哂佢囉, 唔洗旨意你照顧我哋啦。」係, 佢話我嘅嘢我係做得唔夠好, 但佢都唔識欣賞我做咗嘅事情, 我成日都讚佢照顧甘怡照顧得唔錯架, 甘怡又重咗, 喊都喊得大聲咗。

甘怡呢幾日真係喊多咗, , 攪到我哋有D 無奈, 因為真係當正佢公主咁招呼佢架啦, 但佢都好似唔領情咁, 成日都喊, 又鬼咁大聲同好慘咁! 結果我哋成日都要輪流抱住佢, 要成日同佢傾偈佢先會安定落嚟。

老婆個病仲未好返, D 西藥都差不多食完, 或者試下睇中醫啦。