父女對話

今天叫甘怡拖著我的手行上這高高的牆, 影了這張相.

影這張相時她的媽媽當時不在現場, 我早告訴甘怡, 媽媽會怕高怕蚊, 但爸爸會讓你試一下, 因為爸爸可以接實你.

回家後, 一如所料, 媽媽話危險.

後來媽媽又出街, 我和甘怡談起這張相,
我: 有些事情爸爸媽媽想法唔同. 就好像是否獨自睡覺.
甘怡輕聲說: 咁我哋唔好話畀媽媽知啦!
我: 咁又唔洗, 唔可以呃媽媽架! 你知道有些東西爸爸唔怕你試. 因為爸爸知道是安全, 但如果三樓咁高, 爸爸會不會畀你試?
甘怡: 唔會啦!
我: 你知道就得啦

當晚, 我催促甘怡快點出問和她的朋友會合和一齊玩,
她說:我想同爸爸玩, 因為可以學到新嘢.
我: 但你也要和同齡(她知道是什麼嗎)的朋友玩. 你知道你的優點就是喜歡學習嗎?
甘怡: 咩係"優點"?
我: 優點就是你做得好的地方, 缺點就是做得不夠好的地方. 你的優點就是肯學, 但你的缺點就是不肯自己去試, 你要睇到別人做完你才會試, 爸爸和你玩, 會做畀你睇, 你和自己朋友仔玩, 就可以自己撞下板, 自己試個結果出嚟, 係唔同架.
我: 又好似上新的堂, 其實你大個女唔洗再怕, 但你第一堂總是怕自己一個人上, 會喊. 其實你都知道唔洗驚架啦.
甘怡: ....(我估她是同意我的講法)
我: 落堂你就開心哂啦..
甘怡: (笑)

記下這事, 是我覺得可以和女兒這樣談心是一件窩心的事情,可以直接告訴她爸爸的想法和期望, 當然, 沒人知道有幾大影響.