Trouble 2

個個小朋友成長都話係必經的陼段, 我只知由介"奶嘴"開始, 便進入地獄了. 昨晚, 由平時睡著的10點到昨晚的11點幾...(我都睡著了) 一早起來, 話要大便5-6次, 最後在片片解決了. 不肯睡午覺, 一路在床上跳跳跳, 我就睡45分鍾, 佢就跳足45分鐘. 午餐又食兩啖飯又話飽, 拋野落地, 又喊. 下午茶, 又不肯食橙, 好煩. 沖涼又將水撥哂落地, 又要做一餐. 晚上6時話要食, 開哂飯唔食, 在地下哭. 哭了45分鍾, 抱住我隻腳, 我話要同佢傾計, 又立即大哭在地上. 我見佢都很疲倦, 便抱了她上床睡覺. 然後寫下今日到7:00的地獄經歷.

好多第一次

今個星期甘怡做咗好多第一次....
第一次幫手拖地, 原本諗住叫佢用玩具地拖, 但佢問我要真地拖, 又要用水, 咁唯有畀兩個廁所佢試過囉.
第一次食雪條, 係用橙汁雪成, 佢第一啖放入口已經笑笑口, 問佢好唔好味佢點哂頭咁, 好滿足咁 (我見到佢個笑樣都好滿足)
第一次係BB廁開大同開細各一次, 之前Nicole已經開始訓練佢想便便要出聲,終於第一次能及時除褲除片. 今日倒過來佢成日話要去便便但係報假案! 因為佢要睇爺爺買的Thomas廁所板!!
第一次講"褲", 媽媽沖完涼, 未著好衫, 佢指住媽媽條褲講咗個"褲"字!
第一次自己一個做老師叫的指示,老師叫佢跳入個"夫拉圈", 佢係自己唔洗拖媽媽行入去, 連同學的家長都讚佢叻!
第一次對住電話講:"喂喂"

大個女

甘怡有著約90厘米的身高, 21個月的行街經驗, 已經知道什麼是試鞋了. 她不但知道什麼是買, 比錢, 行街. 懂得每日自己選衣服, 選鞋, 仲表達對某某鞋有什麼什麼的不滿. 今日行Zara兒童部, 自己手指指住對鞋, 望下媽媽, 媽媽取了對鞋給她看, 甘怡更要求試穿, 穿完一隻, 呀媽以為走得, 點知甘怡要求穿2隻. 呀媽心想, 很醜陋的鞋難道真的要買... 媽媽叫甘怡向前行幾步, 一行她便'令'頭, 要立即穿回自己的鞋. 媽媽以後都係行少一點鞋店, 因為賣大人的鞋店她都會手指指.

好熱

雖然是5月頭, 但已經開了一個多星期冷氣, 閞頭係濕, 之後便是熱, 風又永遠吹不入屋, 真的很辛苦. 甘怡個頭長期出汗, 日日好似濕水雞, 唔開冷氣開風扇, 熱到醒左, 今個月的冷氣費都好金. 實在太辛苦, 同甘怡穿短裙, 膝蓋立即花左. 在家又如上年一樣, 不穿褲, 只穿片. 如果甘怡介左片便好好多了, 她自己不用甘焗. 近日, 雪櫃又壞, 好煩, 上年已經一次, 有了經驗, 但始終煩. 媽媽已經吃了不夠凍的雪糕肚痛, 最怕甘怡的食物, 壞了便很煩. 在一個炎炎夏日的天氣做家庭主婦都不容易...(甘怡常常攬住我, 坐在我腳上看書, 真的10級熱)

母親節

今年的感動位只是一張卡, 上面比呀女畫花左, 可能我要求唔高, 已經由心感動出來. 加上電視播的5.12四川大地震, 父母對去世的兒女感情仍很深厚, 生了第2個都離保唔到, 做了母親都特別有同感. 講真, 今年的母親節不但比平日辛勞, 也很疲倦, 晚餐都沒有胃口, 所以都沒有什麼興祝唔興祝了.

幾好服侍

當甘怡知道媽媽要沖涼, 便會跟住入去廁所的小椅子坐下, 待媽媽除衫, 然後幫媽媽拿衣服去洗衫藍. 閃快再跑回來, 一聽到開水聲, 便幫媽媽拉好浴簾, 坐下椅子等. 媽媽一拉開浴簾, 便遞上毛巾, 再上拖鞋. 媽媽便會叫甘怡出去等, 甘怡便到床邊, 一見媽媽開始塗body lotion, 甘怡又會幫手擦, 最後當然是拉媽媽出廳玩. 成個過程, 媽媽都沒有教她/要求的, 只是佢自己觀察及做了很多個月了, 所以, 都要紀錄一下.

而最近, 出街又幫媽媽取鞋穿鞋, 回家又幫媽媽除褲, 可能是甘怡心急, 所以幫媽媽手. 現在, 爸爸教甘怡幫媽媽按摩及洗廁所, 爸爸話甘怡好洗好用, 我話有沒有攪錯.