Trouble 2

甘怡呢兩個星期好扭計, 返學、睡覺、放學後, 都試過大喊唔聽我們的話.
有一次一路"典"地喊, 一路賴尿,攪到成地濕哂. 有一朝又話唔識/唔敢擦牙,又話要等埋媽媽陪(我企係廁所門口叫佢自己擦), 前一晚佢又扭計唔訓覺, 十一點都仲話要睇書, 結果我忍唔住大發脾氣, 怒打佢PETPET, 又捉實佢迫佢著衫, 佢想拖實攬實媽媽都被我阻止咗, 我嬲到甚至係甘怡面前近距離怒吼佢:"你係咪唔聽話".

唉, 做咗兩三個月慈父, 但甘怡扭計係嚟, 我都係忍唔住要發出嚟

被人捉咗？

媽媽：你睇吓嗰個生果 （指住隔籬檔口）
甘怡（企係地下，諗咗一輪都唔望）跟住話：我過去望會被人捉咗架喎
媽媽：叫你係度用眼望咋，點會被人捉咗去？

"食"字

餐廳有個大"食"字
Nicole: 係叫小朋友乖乖食嘢
KY:係不准食嗰食呀

數口精

今天媽媽打算煮六隻蝦，媽媽同甘怡講，甘怡兩隻，媽媽兩隻，爸爸兩隻，甘怡話想食三隻，媽媽話唔得，媽媽肚餓要食兩隻，佢話甘怡三隻，爸爸咪一隻囉。