不知不覺, 阿女都返咗小學三個月了。
她很喜歡小學, 對她來說她的小學已經很大, 又有圖書館。可能大個女, 她會留意班中同學誰乖誰頑皮, 每天都會主動講畀媽媽知道. 她也好快就識得新朋友, 聽她說好像小息會和六個女孩子玩, 但不會和男孩子玩, 因為男孩子有男孩子的一群. 小息時間不多, 未識朋友前會吃小食, 識咗朋友之後就有時無時間吃小食了. 女孩子去廁所又耐D , 她說試過排隊去廁所用了成個小息, 無得玩.
經過 N 次的默書加上一次的測驗, 成績還算可以, 家長日老師讚她幾主動, 有舉手答問題, 紀律也好好, 成績在班上排名也不低. :) 數學老師特別鍾意她。這些都是媽媽努力的成果, 我自問就無貢獻了。(每次我想出聲/手, 老婆都會阻止....)
放學後做功課也很快手, 多數晚上她也有時間找我玩或一同看書. 玩得最多的遊戲竟然是"扮返學", 出功課畀我做, 又扮考師上堂, 老實說我覺得: 玩就唔好扮返學啦..咁悶.. 但當然不能說出口. 唯有照玩. 我扮演的是一個壞男學生. 經常攪鬼. 有一次我不見了(其實唔知她有無畀)一張"習作紙", 我叫她給我抄返一份, 她好勞氣的說:「我畀咗你架啦, 你唔可以抄功課架!」認真到不得了, 不過也睇得出她很守規矩。
