媽媽天生麗質

甘怡很喜歡玩沙, 唯有捨命陪甘怡. 去到沙灘, 不太曬, 也不太熱, 媽媽已經開傘坐下陪女玩. 高高興興的玩了2個鐘, 回到家, 媽媽的手臂又紅又痛, 媽媽立即檢查下個女, 因為佢都係穿T-shirt, 甘怡竟然一點事都沒有, 限爸爸一樣. 可憐的媽媽痛了幾日, 還立即買了全件防曬50SPF的泳衣給她, 甘怡的泳衣仲貴過媽媽, 媽媽真假都很肉痛. 甘怡的皮膚似爸爸, 22個月的皮膚都勝過媽媽的皮膚, 皮膚又遍黑, 一點事都沒有, 唯有話媽媽天生麗質, 又白又薄.

食飯

甘怡呢排的作息無定時, 老婆已經牙痛咁聲,今日我都有幸領教一下, 話說同甘怡游完水之後, 都已經四點幾五點, 佢先肯訓一陣, 到七點迫佢起身食飯, 佢極不願意--當然佢只識得用喊嚟表達, 扭計扭到我同老婆都無哂符, 我哋唔理佢, 只迫佢坐係飯枱同我哋一齊, 後來又迫又氹佢都唔肯食, 結果老婆打定輸數, 開始食埋甘怡D 食物, 過咗一陣, 佢突然對佢一直抗拒的食物表現返興趣, 仲自己叉嚟食, 跟住就變返一個鍾意食嘢的女兒, 雖然食得好論盡, 但為免一出聲佢又唔高興, 我同老婆都默默睇住佢食, 最後佢一TAKE過食哂D 食物... YEAH!

日日有新意, 好大壓力

自介左奶噙後, 溝通又好左, 以為都幾好...點知日日午睡時間都不同, 有時睡, 有時不睡. 今日沒有睡, 但晚上不吃晚飯, 要求飲了一支奶便大睡, 咁呀女你聽日又想點? 現在每日媽媽都沒有了私人時間, 唔知甘小姐幾時熜燈, 救命呀! 希望你9月返學後時間會好一點. 不知不覺個女要準備返學, 真的不習慣. 她還未介片, 用奶瓶喝奶, 說話又只有單字, 連飲水都用吸管, 點返學? 開了家長會後, 學校都明白小朋友始終很少, 而甘怡應該係全校最細, 做媽媽當然擔心. 甘怡, 你返學也是媽媽的大挑戰, 我相信我也會很掛住你, 流的眼淚一定不會比你少.

hide-and-seek

甘怡喜歡跟姐姐玩, 而對同齡的興趣不大, 又証明甘怡大個女了. 同齡的常常搶玩具, 沒有什麼意思, 因為甘怡一向不搶玩具. 而跟住大的追也覺得是一起玩, 很刺激, 很快樂. 今日, 甘怡與一個不太熟的姐姐握手走走走, 而媽媽負責追她, 她與姐姐先藏起來, 她一點也不怕, 也沒有哭, 竟沒有要媽媽, 相信她對姐姐有一份安全感, 不見媽媽一回也可以, 最開心應該是爸爸, 因為爸爸日日都叫佢自己一張床瞓, 不要痴住媽媽.

愛游水

甘怡很愛游水, 她在泳池表現良好, 一個水泡周圍走, 周圍游, 不用媽媽握著手. 今日, 被水沉了兩秒, 明白沒有水泡的後果, 她沒有哭, 卻很平靜, 相當她已經有所學習. 而最煩的是她的蚊'難', 一個蚊'難'一個月都唔好, 她抓完又抓, 結了焦又抓, 有點精神病, 連媽媽腳結的焦也不放過, 救命! 而今日游完水去會所一起沖涼, 甘怡又發揮服務業精神, 到媽媽沖涼時, 佢又幫我開洗頭水, 又幫我擦身, 簡單一點, 便是幫我沖涼, 甘怡...難怪媽媽這麼愛你.

單親

唔知甘怡在單親環境下生活會如何呢? 如果跟了爸爸, 她一定很可憐, 沒有人錫, 為她抱不平, 爸爸不是一個可以保護女兒的好爸爸. 如果跟了媽媽, 她一定捱苦, 媽媽是容易放棄的人, 唔知能不能養大她. 今日, 無聊問甘怡, 媽媽做XX的媽媽好不好? 她說不好, 面上帶點驚. 我又說跟爸爸一起住好不好, 她說好, 然後我又說但爸爸打女, 甘怡又大哭. 唔知甘怡明幾多, 不明幾多, 哭完便睡了. 甘怡, 你永遠都會和媽媽一起, 不用怕, 窮又一起, 生又一起, 死也一起.

少事

今日很浪費金錢, 買了一個破的煙灰缸, 當然是甘怡行街打破了, 被迫買, 為了扣她錢, 所以要記下. 而甘怡被她爸爸用手打了一下大力的大腿, 留下了手指印, 她爸爸唔認, 他說方向不同....原因只是甘怡不願睡覺, 又是少事?!一則記下. 甘怡今日話要返學(playgroup), 應該是好事, 值得記下. 甘怡開始多多語無倫次, 相信很快會講話, 唔知甘怡個心想什麼呢?! 甘怡又勁喜愛游水, 抱住水泡跳水, 好大膽, 勁過媽媽, 一定要記下.

身體健康

我同甘楓都病了, 雖然只是感冒, 但也病了一個多星期. 全家最健康的人是甘怡, 一點病/不舒服都沒有, 仍然是一隻馬騮, 左跳右跳, 真係 "勁".

快樂親蜜時光

主角當然係我同個女好親蜜. 近日, 病了成個星期, 心情又差, 又怕惹女病, 又要煮飯, 正那謂大的唔食, 細都要食. 每日洗完澡, 甘怡都幫我擦護膚膏, 看得出她對媽媽的身體也感到好奇, 我都讓她好好接觸下, 我又叫她按摩, 她又做. 她的小手又沒有力, 又不太懂, 但爸爸常常火速訓練佢, 希望有人接力. 病到腰酸背痛, 享受了一次4手按摩, 4手當然是爸爸加甘怡, 我常常希望去享受一次, 但第一次竟然在自己的床上, 是一次不能投訴, 沒有擦油及不能對力度有要求, 位置的一次.