無錢結婚?

今天Nicole同甘怡講: 媽媽今日洗咗八百蚊, 然後講笑話甘怡大個要搵多過媽媽.
甘怡聽後心事重重咁, 咁Nicole就問佢咩事呀? 佢話怕醜唔肯講, Nicole話唔怕講畀媽媽知喎, 原來佢係到擔心: 第時無錢同媽媽結婚....

小女孩的兩三事

不知是小朋友還是女孩的關係, 甘怡現在很健談, 咩事情都好樂意分享, 連新識的小朋友她也肯和人傾談. 不過她也會揀擇, 她心中已有一個"朋友/非朋友"的分界, 有些識咗好耐的, 她都是不太主動和人玩, 甘怡會說: 她不是我的朋友.

另外, 有一次, 她上體操課, 老師叫一些同學做裁判, 過了幾回合, 她被裁判(比大她的姐姐)指她姿勢做得唔好, 被FAUL出局, 她很認真地走到姐姐面前大聲說: 我有做到架! 姐姐當然沒有理她, 不過她也沒有發脾氣, 乖乖地回到媽媽身邊等待比賽的結束.

又有一次又係體操課, 在類似MUSIC CHAIR的遊戲中, 她成了最後一位, 打敗了一個"小學生"哥哥, 媽媽讚她玩得認真, 她自信地說: "小學生我都贏到啦, 唔知小學時贏唔贏到中學生呢."

昨晚, 太公壽讌, 甘怡竟然自己想到去表演魔術 (從手巾變出牙簽, 上個月一次飯局教她的), 她勇敢地走到叔公, 姑媽所有平時她怕醜的長輩面前, 向每個人表演一次, 面帶笑容, 好開心咁叫人: 你打開毛巾睇吓! 大家都被她攪到好開心好好笑.. 雖然甘怡沒有上台表演, 但她自發地表演魔術也是我始料不及.

近日的感想

近日十分享受和甘怡相處的時間, 因為能和她交談, 可以和她分享我的想法, 而不只是單向的指令,甘怡到目前為止都算是一個聽話的小孩(我們不再用BB形容她, 也叫 她不要再叫自己係BB). 有些事情我們不想她做, 和她解釋, 她聽明白的話都會願意跟從. 因為甘怡十分重視媽媽, 當媽媽同佢認真和她談一些要求,例如: 叫人, 讀書, 等等, 她扭擰一輪之後都係會聽的.變相我要動怒/做醜人的事情就少了很多. 我只需要ENJOY和她玩就可以了.

她的好奇心也很大(也許小朋友都是如此吧), 所以每次和她做新的實驗, 試新的東西, 她都樂意去試, 從爸爸的角度, 她鍾意LEGO, 火車,科學, 比起鍾意煮飯仔, 公仔好多了! :) 老婆總覺得我買太多, 但我覺得有不同的配件, 才可以配搭出新設計. 近來甘怡可開始自己做手工, 自已砌LEGO, 我也看到她的創作,自信心也大了!

自信的問題, 老師也覺得甘怡有進步, 會比較主動分享自己的東西, 會主動舉手想參與早會, 雖然有時還是只會來來去去和幾個朋友玩, 但聽到她多談了校內的事情, 覺得她現在也喜歡上學.

甘怡最大的缺點就係面皮太薄, 批評佢佢固然會喊, 但取笑佢佢一樣會喊, 又會躲進媽媽的懷裡.

甘怡的纙緝

買咗雪條要返屋企食，因為••••••係屋企食，跌咗可以執返嚟食。今天真係跌咗少少，佢即刻執返，望一眼媽媽，媽媽故意唔示意，甘怡兩秒後即刻食返佢。

小科學家與小鬼

甘怡都算有好奇心同識問問題,例如佢會問點解D 火會向上燒? 龍捲風點嚟? 鹽冰係浮定沉架? 佢對太空也有興趣, 今天咁啱神舟十號上天, 佢仲可以睇電視直播.

佢D 想象力都幾好, 每天都和我們玩不同的扮演遊戲...扮太空人, 扮廚師, 扮坐輪船, 扮行天橋, 不過暫時都未有一樣係佢自發諗的, 好似多數都係我們先講過, 然後佢就跟住扮.

不過, 佢最叻都係扮喊, 有時小小事佢唔開心, 就好似開著一個"喊MODE"咁, 勁入戲, 跟住就話好驚爸爸, 扮出一個好驚的表情去引阿媽注意.我哋發覺咗之後, 宜家都叫佢"唔好扮啦"!

禮貎小天使

甘怡學校有一樣活動, 就是要小朋友在校門口戴上彩帶做"禮貎小天使", 每人要做兩次...

第一次, 甘怡都有D 期待, 一早就起身, 好乖咁換衫出門, 但去到學校就反而有點怕醜, 細聲到好似只係得個咀動了一下, 有時仲只會掛住玩手上的小玩意.
第二次, 甘怡無咁期待啦, 懶懶的起床, 不過可能有了經驗, 今次反而比較勇敢一點, 叫得大聲咗, 揮手多咗, 見到識的同學仲好大聲叫添!

其實甘怡都比之前大膽, 不過還是欠點主動, 不過肯叫人都算合格....

Aiya

甘怡見到媽媽睇網上廣告, 佢問媽媽係咩嚟, 媽媽話係D 職業扮演, 扮消防員之類, 甘怡話想玩, 媽媽就話: 係台灣都玩過啦. 好貴, 唔再玩啦. 甘怡問: 咁要幾錢架? 媽媽: 要$300, 媽媽無錢 (估到甘怡會話:爸爸有) 就算有都用嚟做第二樣啦 甘怡: (被識穿, 無出聲, 跟住行開, 然後自言自語:) 媽媽都會幫我報堂架啦...(我哋估佢意思係呢個"職業扮演")