做父親和做兒子

過去十天我也是感冒, 晚晚也咳醒, 半夜一個人坐在廳中 (因唔想感染老婆同個女, 所以做廳長), 突然想起過去做兒子時, 病的時候, 半夜可以向阿媽求救, 她總拿出一招半式, 成藥又好, 暖水又好, 藥油也好, 令我舒服一點可以再訓過, 又甚至飛的去睇醫生。

現在做了人父親, 病了只怕傳染女兒, 又怕嘈醒老婆, 只能自己用阿媽教的方法令自己舒服一點, 覺得有點可憐, 郤又有點應該, 難道要老婆病埋又或者無精神照顧女兒嗎?

越來越明白什麽叫做「養兒方知父母恩」。