2010年7月28日星期三

甘怡十一個月啦!

好開心, 呢排我同佢Friend咗好多! 佢好願意同我玩, 又會挨係我身上, 晚上我又可以"暗"佢訓覺, 佢唔再一定要媽媽陪, 佢訓覺都算乖, 就算未訓著佢都無爬來爬去, 只係玩手指, HEA一輪佢就會自己訓著覺。

成長方面, 佢學識咗落SOFA要用腳落先, 我哋唔洗再擔心佢會跌落地, 有嘢扶住的話, 佢試過自己企係件玩具上面攪DVD機都企得好穩陣.

呢幾日聽到甘怡的朋友仔識行啦, 原本那男仔仲遲過甘怡爬, 估唔到佢仲快過甘怡識行, 其實我哋估甘怡都快識行架啦, 今日下午係爺爺面前行咗六步添! 不過可能佢無乜信心, 遠少少佢都係選擇爬過去, 所以我決定同佢練多D 自己行, 佢今晚都有自己行, 睇得出佢係怕跌, 要鼓勵佢多D 先得!

沒有留言: