甘怡兩歲了

女兒,

生日快樂, 轉眼你已經兩歲了, 由你出世得幾磅重的"BB", 弱不禁風, 傻頭傻腦的樣子, 到你現在重卅磅, 手腳靈巧, 大膽嘗試各樣東西,又古靈精怪的"小朋友", 過程算是有驚無驗!

嚟緊你要返學啦, 希望你會鍾意返學, 識到自己的朋友仔, 但又唔好學壞喎! 當然, 最緊要係希望你繼續身心健健康康咁成長!

之前你見到爸爸媽媽吵架, 又或者爸爸說話很大聲, 可能會令你驚, 不過我希望你漸漸明白, 我和你媽媽吵架或者爸爸如何鬧你 (怎至有時打你), 我都是一樣的愛你, 一樣的會保護你!

你兩歲了, 我對你的照顧, 會漸漸由日常起居飲食, 轉為性格、學識和興趣的培養, 爸爸媽媽各有優缺點, 各有學識, 希望你能學到我們的優點,了解並避開我們的缺點, 你有什麼東西有興趣, 我們有能力的話都會畀你試一下, so far 你似乎身手不錯, 或者給你多點運動課; 不知上學之後能否看到你也有良好的學習能力, 到時你告訴我們你想學什麼吧。


你的爸爸