第二天自己上堂

放完中秋, 又要返學.

甘怡都仲係拖拖拉拉唔願出門口, 到咗學校, 照舊先玩一陣, 好地地, 但一聽到早會鐘聲, 佢就即刻好似樹熊咁攬實媽咪, 老師走過來叫媽媽放手, 媽媽放開手証明係甘怡自己攬實, 唔關媽媽事, 老師唯有好狠心咁分開甘怡的手指仔, 從媽媽身上抱走佢, 媽媽就即刻離開課室.

到放學, 媽媽排第一個接女, 偷看到甘怡無喊, 只係目無表情咁, 老師一叫甘怡的名字, 甘怡就即刻望到媽媽, 跟住就喊住走去媽媽到, 媽媽攬幾吓佢就收聲唔再喊啦.