文摘 - 「這樣教孩子當然錯了」第一章

係圖書館借咗本書「這樣教孩子當然錯了-郭瑩瑩」

「如果你告訴孩子錯誤的觀念/做事方法, 他們會用這種錯誤的觀念思考/做事。
如果你用錯誤的方式對待孩子, 他們也很可能用錯誤的方式來對待他人。」

第一章 諷刺和責罵會讓孩子的心靈蒙羞

不是不可以罵, 只是不可以太嚴太多, 否則孩子會自卑. 自卑的十個表現

1. 常年情緒低落
2. 過度怕羞
3. 拒絕結交朋友
4. 難以集中注意力
5. 經常疑神疑鬼
6. 過分追求表揚
7. 嫉妒、貶低他人
8. 自暴自棄
9. 迴避競爭競賽
10. 面對挫折難以承受 

點做好?

1. 要攪清楚事情先指正, 唔好先入為主
2. 即時指正,事後孩子就唔記自己做錯, 會覺得冤枉
3. 不要在公共場合罵
4. 批評的目的是教育,不要上綱上線地數落孩子,增加不必要的壓力
5. 語氣要平和, 不要輕易採用否定的評價
6. 不應講: 笨, 蠢, 鈍, 窩囊, 不能, 不准 (要講該做什麼),比較,不如別人

另外, 家長之間發生衝突, 情緒失控導致爭吵甚至扭打, 都會讓孩子形成不建全的心理, 對世界變得冷漠性格偏激. 家長一定要在孩子面前控制好情緒,盡量傳達一些友善親和的資訊,讓化怠受到父母對自己的愛。

「同時家長也要令自己開朗樂觀、積極向上，培養孩子的陽光性格. 如果一直在孩子面前拖怨這個抱怨那個,孩子會變得悲觀陰暗。孩子的性格是我們自己心理的投射,如困孩子變得陰鬱, 一定是父母身上出了問題。」

做好情緒管理

1. 不遷怒孩子
2. 不在孩子面前爭吵 - 就算要當面吵架, 也要就事論事, 有商有量而不是互相攻擊
3. 不賞罰無定 - 不要自己高興時就不罰孩子, 心情差就咩都唔順眼
4. 不漠不關心
5. 找好壓力發洩口
6. 讓孩子清楚理解 - 家長發了脾氣要講對不起並解釋點解發咗脾氣.
7. 學習管理情緒

逆反心理 - 鬧得太多反會令孩子諗:「你當正我壞孩子, 我就壞畀你睇。」
如何避免:
尊重孩子 - 想法不同不等於頑皮
學會溝通 - 不要以權威去壓制孩子
以身作則 - 不要對自己寬容, 對孩子很嚴
相信孩子 - 相信他們的理由, 適當畀孩子為家事作主的機會

甘怡廿三個月

明天甘怡就廿三個月大

先講智慧, 最近佢講多好多嘢, 開始唔洗估估吓, 佢識得用口要求食菜, 落地, 去沙灘, 睇書又識得講返書入面有咩嘢, 例如: 動物, 爸爸, 媽媽, 仲識得話自己"識讀", 但其實係唔識! 昨晚上床前同佢玩扮動物, 佢全部都扮到; 祖母送咗部iPad2畀我哋, 我裝咗D 字母app畀佢玩, 佢都認到大部份字母, Nicole平日亦開始教佢認中英文字, 甘怡似乎都分到中英文, 不過要再觀察一下.

另外體能方面去識得雙手掂地撑住上身, 雙腳放係梳化度, 又識得爬一個鐵繩網, 游水又能夠向前游好遠.

起居方面呢, 呢個月Nicole開始同佢戒片, 問佢想尿尿要去邊呀, 佢會大大聲講"廁所!", 不過....佢次次都係無聲無色咁賴咗, 昨天高峰日頭賴咗三次尿一次屎, 執到Nicole死死吓, Nicole同我講返, 我又問佢有無尿尿, 佢話"無", 轉個頭佢又賴咗啦, 激死人!

賣咗張BB床之後, 安裝好佢表姐讓出嚟嘅"兒童床", 甘怡都肯訓, 雖則訓著之前都係要係我哋張床上攬實阿媽, 但至少無半夜爬上嚟, 可能佢都訓得幾"琳"呱.

自從上次個BLOG以來, 我都無再發甘怡脾氣啦, 加上佢都真係幾聽話; 佢仲成日古靈精怪, 識得故意激我哋, 所以呢排十分ENJOY同佢玩。

領悟！重新出發！

甘怡就嚟兩歲,漸漸由嬰兒變成幼兒，即係話佢越來越懂事，越來越識聽大人講嘢，但亦越來越鍾意故意唔聽話同扭計，開始Ｔｒｏｕｂｌｅ　２的階段。


呢兩個星期去完兩個幼兒活動，見到好多其他家庭的小朋友，佢哋各有特點 ，有Ｄ真係比甘怡頑皮好多，成日大叫同搶嘢玩，呢兩樣我同老婆都好怕，好彩甘怡無呢個問題。甘怡亦肯同陌生的人一齊玩（當然要有玩具吸引佢啦）。

我見多Ｄ其他幼兒又令我覺得甘怡其實都算係「正常」，可能早排太多講「港童」的報導，因為唔想甘怡變港童，我諗我對甘怡的要求係走咗去另一個極端，就係太急於要佢自己次次都做到佢應該做的事情，每當老婆話甘怡做到一件事（e.g.自己食飯)，我就即刻當咗呢樣嘢係必然，下次一做唔到我就好煩躁，加上甘怡成日都唔啋我，攪到我都好心灰意冷，老婆又只係顧住個女，覺得自己係一個隱形人。老婆話佢都想甘怡可以親近爸爸多些，叫我唔好打甘怡，唔好發脾氣時鬧個女「無用」，叫我反思吓如果別人話我「無用」會有咩感受。老婆話可以用多Ｄ軟功／智取，唔需要硬碰硬。

我都認同佢的講法，我呢排見到甘怡「唔聽話」就發脾氣，要迫甘怡聽自己話，但其實都迫唔到，甘怡其實都有聽話／叻的時候，但當然唔係１００％時間係咁，個女其實都係「學習緊」規矩／起居生活，有時做唔到其實真係好正常。

今天去圖書館即刻再借返Ｄ教育／心理書，從新調節我的思想同情緒，我相信我一發力，甘怡係可以親我多過親佢媽媽的！！

老婆變咗另一個人

做咗媽媽的Nicole，對住個女可以變咗另一個人：

1. 做出好多對其他人都唔做的讓步；
2. 講許多道理，例如甘怡唔肯借書畀我睇，佢會教甘怡：爸爸同你分享佢Ｄ書，你點解唔借返書畀爸爸睇呀？咁唔公平喎；
3. 幾ｄｉｒｔｙ都可以幫甘怡執手尾；
4. 一個平時強頸的人，對住個女反而比一個平時冷靜的人更識得用軟功。
5. 成日覺得被人蝦，宜家非常樂意被個女蝦。
6. 平時執到正的事情，為咗／對住個女就會軟化哂。

 一物治一物真係真理呀‧‧‧

只是喜愛作弄媽媽

個女越大越懂激我, 我一發火, 她便很開心, 還會重複做, 直到我不望她為止. (她真是精神病) 她不怕媽媽打, 佢話打得都不痛, 唔好太肉麻, 我的手也真的覺痛. 媽媽發惡甘怡會唔出聲, 唔望你. 媽媽叫睡覺, 多多原因未上得床, 一日到刻書書書. 媽媽如常餵飯, 見她拍碗, 自然避, 甘怡會要求媽媽比隻碗佢拍, 然後自己打自己手, 一路打一路笑. 媽媽話打Pat Pat, 甘怡立即打自己Pat Pat, 打完對你笑一笑. 叫佢道歉, 對唔住, 成日都係對住對住. 媽媽太累唔陪睇書, 又會kiss 媽媽嘴一下, 叫醒你. 甘怡, 為何你只是作弄媽媽呢? 出到街/對住爸爸又係另一個人?

媽媽媽媽與隱形人

甘怡星期一至五都媽媽湊, Nicole話佢日頭無咁痴身, 可以自己一個人係廳玩, 但晚上我返到屋企佢就會好痴身, 又唔畀阿媽食飯, 而爸爸呢? 超過一半時間是不會理啋的, 讀書讀唔夠幾頁佢就會叫"媽媽媽媽", 無錯係叫四聲, 佢肯玩LEGO的話佢就會坐定D, 但係我同佢又無乜好交流, 佢有佢亂砌, 我有我砌.

我一同甘怡講嘢, 佢就擰歪面, 走咗去, 扮聽唔到, 又或者用手遮眼無眼睇, 畀指示佢 (例如:擦牙), 佢就會喊, 然後當然又係去搵"媽媽媽媽".

上PLAYGROUP又痴住阿媽, 去遊樂場玩玩吓又會叫"媽媽媽媽", 阿女, 你見少陣阿媽真係咁困難? 到底你睇唔睇到我架? :)

嘔

甘怡又病了,今次的病徵比新加坡那次更嚴重, 因為她咳得很利害, 仲咳到嘔, 嘔了兩天,前天第一次嘔, 昨天嘔了三次, 看見她咳唔出又嘔唔出的痛苦樣, 我很肉痛呢, 她又唔識得講, 只識得喊媽媽, 我們只好安撫她, 讓她知道嘔完會舒服一點, 唔知佢明唔明.