好無聊

今天我同老婆傾D 無謂嘢, 類似我話你呢樣, 你又話我嗰樣之類,平時甘怡就會問:你哋講乜嘢?
今次直頭講: 你哋好無聊呀.

阿女識踩單車

阿女舊年開始學踩雙輪單車, 當時用表哥送的細單車, 練了幾次, 跌了無數次, 都未學識, 後來天氣凍又放低咗一排.

之後爺爺送了一部新的比較大的給她, 春回大地她又再在小公園開始練習.

可能是大個女又可能之前練過吓, 最可能係個車輪比較大, 容易Balance, 練了三天, 第一天跌得比較多, 第二天再練已經可以我幫佢起步然後佢自己踩一段路. 因為車比較大, 她只能以腳尖著地, 所以我就說遲D 先學起步啦.

第三天, 她越踩越耐都無問題, 仲避到人. 我見她平衡得幾好, 就叫佢試下起步, 果然因為己識平衡, 所以第二次就已經成功了! 爺爺也見証了她成功的一剎那.

從她滿足的眼神同態度, 知道佢係好有成功感, (其實我都好開心好有成功感)

第二天, 我放假, 她已經忍唔住要去踩單車徑, 踩了成個將軍澳區一圈.

2015

很久沒有寫這個BLOG了, 不是甘怡沒有變化, 而是每天變一點都不知怎樣寫.


總的來說, 她說話思維不錯, 許多暗示, 婉轉的說話佢都聽得明。我許多單打她, 取笑她, 和攪笑的說話她也懂得笑。也開始反過來取笑我。最記得有一次她說我唔明白, 她竟然說: "你都未到嗰個程度." 真是令人哭笑不得.




她有不錯的觀察力: 點解冲完涼只係手指尖會"巢"，但手指另外兩節同個身又唔"巢"呢？

她幾鍾意做手工, 同佢做咗幾個大家都讚賞的作品, 自己都好滿足:





不過她還是喜歡痴住我們睡覺, 現在是周末自己睡, 平日和我們睡, 書說要讓她漸漸習慣自己睡, 她也應承周末自己睡, 有一次她周五和媽媽睡, 也肯另外找個平日自己睡.

出人意表

今天是中秋節，話說甘怡要帶燈籠返返學，她的燈籠電線破損，作為節儉教育我們說爸爸會整返。

昨天在家整好後，沒有試過，結果一出門就斷了線，我唯有帶住膠紙一路行一路整，但都不成功，看著甘怡的的愁容，我都覺得今次爸爸令她失望了。

我問她是否擔心我整唔返個燈籠，但個答案有點出乎意料，她說：我驚媽媽無膠紙用呀！

這個答案真係太乖了，希望她這個心思能推廣到更多的身邊人。

阿女似我...

最近發覺佢鍾意儲嘢.. 咩紙, 用品佢都話留低, 結果屋企有好多佢D "手工用品", 佢又似我無乜手尾, 攪到成間屋都好亂...

星期日出街飲了兩支果汁, 佢話要留返個蓋, 又要留返個紙袋, 諗住佢返到屋企都無咗件事, 點知佢又真係整咗個玩偶出嚟喎. :D

真的成長了

今天甘怡做了一件令我想同佢一齊喊的事。

話說和她玩遊戲，她先勝一局，我又勝一局，她說你都無贏（佢意思係仲係打和），佢想轉玩第二個遊戲(怕輸)，我話要三盤兩勝，於是就玩了第三局，經過緊張的遊戲，最後她輸了，我見到她想喊（每次輸她都會喊，然後媽媽安慰女她），她低著頭，想喊的樣子，後來她抬起頭，咀巴想笑，但眼睛郤流著淚，我有點不知所措，她忍著不哭出來，說：我想笑架，但眼淚流出嚟。

我好感動，覺得她很乖，她懂事了，媽媽一直在教她要控制情緒，今次她努力地叫自己不要喊，我自己的眼反而有點淚水。

雖然最後她也是要喊，但只喊了幾秒，她就破為笑涕為笑，笑自己又喊又笑。

忠臣

甘怡真係好適合做忠臣

昨天在別人的會所的室內遊樂場玩,
有甘怡,朋友T,朋友W,三個一齊入咗遊戲馬騮架,
我過咗一陣,見到甘怡坐定定唔周圍走,朋友T同W都唔係度,我問佢做乜事,佢話朋友T叫佢守住一條通道的盡頭/死胡同,話唔好畀人入去,
我話,不如你去追朋友T啦,佢話唔得架,我要守住架,
呢個時候,有個唔識嘅男仔嚟到,想入去,甘怡話:"唔得架,你要問下T", 個男仔一頭霧水問:"點解我要問呀?",甘怡再話:"唔得架,T話要問過佢架"
我話:人哋都唔識T,點問? 同埋你唔可以覇住唔畀人入架.
個男仔就無理甘怡硬闖,甘怡阻唔住,跟住就開始喊,邊話:"你(指個男仔)唔可以咁架!",我話:"你去搵T啦,唔好坐係度啦",
咁啱呢個時候,朋友T返嚟,另一個家長叫朋友T氹返甘怡,朋友T(似乎望咗我一眼之後)話:呢度個個都入得架
跟住又叫甘怡同佢走去第二度, 咁我以為完啦, 但過咗一陣, 我又見甘怡守係第二度.. 唉, 有時覺得甘怡"痴心錯付".

返到屋企,我同甘怡講:"覇住地方係唔啱架,下次T 叫你咁做,你要話佢知唔可以,好唔好?" 甘怡唔出聲,咁我問:"聽唔聽到呀?"佢話:"聽到"(不過無話會做囉)