2009年12月25日星期五

傷心的聖誕節

昨日公司請食Xmas Lunch buffet, 我拎咗D 派嘅玩具返屋企準備同甘怡玩。

我負責餵佢食七點鐘餐奶, 但佢唔肯食, 係咁扭計, 我忍唔住就打咗佢大脾三下, 佢先肯食奶, 但食得唔多佢又扭計, 我又打多佢三下, 之後佢就失控咁喊, 嗰喊法又大聲又高音, 同平時D 扭計都唔同要阿媽出手佢先肯收聲。

自始之後, 佢一見到我就喊, 就算原本係好平靜的都會一秒內變臉, 大喊出嚟, 老婆安慰我話BB仔無乜記性架唧, 第二日就無嘢架啦, 我唯有訓覺啦。

到咗今日, 佢都仲係見到我就喊, 老婆上午已經安頓好哂甘怡一齊, 佢出街前阿女係訓者咗嘅, 到咗一點半佢醒咗之後, 只係見到我, 佢又係咁大喊, 無論我搵D 玩具引佢, 搵奶咀安撫佢, 同佢玩, 同佢傾偈佢都無應, 仲越喊越大聲, 仲扭身扭勢。

後來爺爺嫲嫲上咗嚟, 開頭都無乜佢符, 後來帶佢落去公園行吓, 係D 不平的路上震下震下之後, 甘怡個心情先開始平復落嚟, 佢仲識得對住爺爺嫲嫲笑添, 但係我已經唔敢係個女面前出現, 之後就一直由我阿爸阿媽照顧佢, 餵埋佢食三點餐奶, TUM埋佢訓先走。

到咗五點幾, 甘怡又醒咗, 佢又開始喊, 好彩無耐Nicole就返嚟, 我就只可以失望咁離開甘怡的視線範圍。

1 則留言:

匿名 說...

嘩你個女分別蝦你啫....千其唔好屈服...啉吓計仔同佢相處...唔好比佢食住你...

cheer up! Happy New Year!
Elissa