昨天, 我又去了聯合醫院檢驗, 一早一大批大肚婆坐在房間等抽血, 照道理, 個個都應該最少24週才來檢驗, 但有些人的肚子好似我3個月咁大, 有個完全唔見肚, 姑娘還以為佢去錯地方, 問佢做物野, 分別真係大, 我當然成個籮咁樣 (37吋), 個個都避開我.
抽血前, 個個都要空肚, 抽血後立刻要飲一杯糖水, 一個紙杯內有8成滿是糖, 2成清水, 一定要飲哂, 又不可用任何野送 (包括香口膠), 味道係很難飲, 我飲左很久, 又加水, 才入到口, 最慘是, 昨天有個孕婦定唔住, 嘔了, 今日從頭來過. 我唯有乖乖的慢慢飲, 希望不會嘔啦! 飲後, 等了兩小時, 我竟然在醫院的婦產科椅子上睡著了, 而我睡著前, 見到的是一句 "小心看管自己的財物" , 我竟然都繼續睡著了, 好彩自己突然起身, 其實姑娘都已經叫我個名, 快快再去抽血, 但報告當然未知啦, 而我最後成日, 都無物胃口, 見到甜野都驚.
沒有留言:
發佈留言