這個半月發生太多事, 但令我明白到一件事. 無論人地講物野, 都不要太認真, 因為他們都是出於好意, 他們也是希望你好, 但是否可行, 及其後果都是你自己及呀女承受.
就BB應否喝水, 我都發現有很多的理論, 由文獻, 幼兒醫生, 高級醫生, 有經驗朋友, 長輩的睇法都不同. 而媽媽病了, 又可否餵母乳呢...由母乳協會, 西醫, 中醫, 長輩的意見也不同. 每人都是為呀女好, 但意見全不一, 順得那個意思? 不順長輩意見, 又是否不孝順, 又是否需要在這一點來証明? 不順西醫意見, 又是否太自大? 不信中醫又是否不信中醫的專業? A醫生同B醫生的用藥都不同啦! 不信他人有經驗的意見, 又為何問人? 令對方失望? 在我坐月食什麼的意見也很多....坐月時又可否食西芹等等? 不能盡錄. 每個人的信念都不同, 而往往不接受意見後, 又會有說話聽, 或被挑戰做法 (可能這是每個人的自然反應, 而我也不想去解釋, 也覺得沒有必要將所有資訊公開).
老公話我自己成日唔信醫生, 又話事情要放長遠看, 但結果就在我眼前. 而老公覺得我將事情放大, 好似中秋節又不帶呀女去人多的地方玩, 也很有怨言, 又話個女佢有份.(老公唔可以嬲, 我要捨發下) 現在我只信做了之後呀女的反應, 再者, 呀女不是白老鼠, 我不可能每日轉新方法. 希望盡量做小一些新東西, 盡量減少呀女病及不適的風險.
2 則留言:
其實專唔專家無乜問題, 重點是動機和經驗。
坦白講, 我同你都係做咗父母兩個月未夠, 甘怡出世前除了講座之外, 我自己(唔知你啦)都唔係聽/睇/知好多嬰兒的可能行為/反應, 我哋周圍問朋友,長輩,上網,上forum或借書都係想知別人點做,我相信你明白不會每一個人的講法,網上的每一篇文章或網友的回應都啱我哋用,啱唔啱用都好,誠懇地多謝一聲就夠了,別人也不會擅自落手落腳用自己的方法用在我們的女兒身上。別人肯分享經驗,就是出於一番好意,想幫到你,就好似你給意見你朋友的婚禮。
另外,如果情況無變,也沒有人會重覆又重覆講已經被我們婉拒的意見啦,你唔煩別人都無癮再講啦! 就好似甘怡發完燒,我都唔敢再提帶佢出街啦,最好你都唔好出街添呀! 又或者你問吓你自己, 你的想法又是否永遠是對的? 你從來未嘗試過失敗嗎?
每個人都是獨一無二的,別人的意見可以參考,實際執行就要試過先知,跟返你自己的講法:「現在我只信做了之後呀女的反應。」甘怡咪即係我們做父母的白老鼠囉, 反應好就係Try-and-success,反應唔好就係Try-and-error, 我哋都唔知點做先可以令佢滿足我們的願望:
1. 「適當」時候食「適當」的人奶;
2. 「適當」時候睡「適當」覺;
3. 唔好成日扭計;
4. 又或者, 其實要順期自然呢?
D 人話可以train bb的習慣, 但過程中的一D 「殘忍」(唔畀佢食/睡) 你又是否可以狠心?
人人都希望你同甘怡好, 愛之深才會責之切, 就等於你話我畀唔夠時間個女一樣。其實你易地而處, 假如有日你叫甘怡做呢做路,你覺得係為佢好,但佢露出一臉不悅,仲要話你唔明白佢,迫佢做D佢唔想嘅嘢,又話你煩,話你畀說話佢聽,我相信你會答我你會「打佢一身」囉!不過硬來是沒有用嘛,人都是受軟唔受硬,如果你d soft-skill好D,咁人家咪唔會講咁多嘢囉。
多一點欣賞,少一點埋怨。
看了甘仔的意見,真要再為Nicole你有這個丈夫而高興,你真要多謝上天,因為這是要講綠份的.不要破壞,毀滅了這姻緣.好好珍惜.要謹記:維持好的関係是要雙方面的,破壞只要一方就可以了.做一個好母親,全職不全職不是決定性的,重要的是如何認識孩子的能力,並提供自己能力可及的機會給他學習,最重要的是自己能否以身作則(身教)地教導他.這是需要終身學習的.
發佈留言