BB又無胃口

九月三日
開心的時間過的特別快,BB正正常常的時間好短, BB昨晚竟然唔肯食夜奶, 佢自己無喊醒, Nicole叫醒佢亦唔肯食, 於是我倆就訓咗成晚, 我甚至醒都無醒過,
咁當然唔係一件好事啦, 不過早上BB又肯食, 我哋又不以為意。

我哋好開心咁帶BB去健康院, 即刻一盤冷水照頭淋, 那兒的醫生話BB又輕咗, 可能仲係黃, 但因為BB照過燈, 佢手上的儀器唔可以作準, 下星期一要覆診, 媽媽的奶量亦唔夠, BB又輕咗, 要再畀姑娘檢查吓, Nicole聽到後, 心情即刻變差, 好彩, 教母乳的姑娘話Nicole其實夠奶, 不過餵奶技巧唔夠, 係姑娘面前BB亦食得正常。

但到了夜晚, BB又唔肯食啦, 連續兩餐都唔肯食, 一味訓訓訓, 就算奶粉都要迫佢佢先食, 攪到Nicole好"孟爭", 好失望, 覺得BB唔聽話, 亦擔心佢D 黃又再影响佢胃口, 又擔心佢有其他問題, 總之就擔心到喊啦, 當時我有幾位朋友嚟咗, 都share咗佢哋湊女的經驗, 總的來說BB就係估佢唔到, 唔同的BB有唔同性格, 胃口, 習慣, 一時唔肯食其實唔係太大件事, 大家都好支持Nicole, 叫佢唔好擔心咁多。