2009年9月8日星期二

餵人奶好有挫敗感

一路很多東西都不太順利, 以為開始有好轉, 個女又有番胃口, 但又好似永遠食唔飽, 到現在, 我都唔知錯在那裡. 姑娘話我姿勢正確, 已經上奶, 但醫生話佢食唔夠, 只因姿勢不正確, 叫我找姑娘跟進. 我覺得好無助, 她可以食1小時, 又可以食15分鐘, 可以每餐隔30分鐘至2.5小時, 她不疲累, 我也顛啦, 每日10-12餐不是問題, 但太沒有規律, 我也不能休息. 我已經什麼家務也不用做, 每日食魚, 距日魚湯, 可做的我都已經做了, 我每日只是服侍個女, 點解佢還不能2小時一餐?! 我好有挫敗感, 不只是身體或心理上的傷害, 而是真的很無助. 又怕她不飽, 又黃入院, 又怕她營養不好, 我完全不覺得我是在坐月, 生了後真的很辛苦, 可能呀女最後都是奶粉大算啦.

3 則留言:

甘仔 說...

老婆, 我知你辛苦架啦, 但做父母的確要先付出許多才會見到成果。

甘怡始終只是十多天人仔, 許多事情也不確定, 唯一可以肯定的是她有成長, 身長和體重在你的餵養下有所增加。

不要輕言放棄, 你其實已做得不錯啦! 你要對你的成功繼續堅持, 不要為暫時的低潮而擔心!

匿名 說...

你好叻!俾我一早放棄左!

個個bb的情況都唔同,不可用同一個對待方法,所以不用比較.有d bb好快就戒左夜奶了~

bb一日一日長大,也愈來愈健康,你和甘楓真的負出了很多.讚!

加油!!!

clarice

JanusLam 說...

靚靚媽:
餵人奶係好有挫敗感,但係我諗你一開始揀人奶,係知道佢對BB好。

好多人支持你,只少你老公、你的朋友、甚至我哋一年見唔到幾次既我和我老公。

我有兩個「人奶」B,兩個B我都在開始時有挫敗的事情遇到。
第一個,一開始就住醫院14日,我未上奶,睇住佢又抽血,又拮住儀器,心情係谷底,心諗邊有奶餵佢。事實上,接到佢返屋企,就算飲奶粉,都嘔番出嚟,我甚至懷疑自己連奶粉都唔識開。
第二個,就同你一樣,又係唔夠到見黃,甚至收水收到過輕的邊緣,雖然係第二個,但係一樣要畀人糾正餵奶姿勢。

餵人奶其實好多時放棄係因為心理多過生理。其實我擔心你多D。

如果可以,不妨打個電話傾下偈,如果方便,甚至可以約我去探下你同BB。